25 nov. 2012

25 DE NOVEMBRO, DÍA INTERNACIONAL CONTRA A VIOLENCIA DE XÉNERO

Un deses dias que non deberan estar no calendario, non é un día precisamente para lembrar porque teñamos algo que festexar, senón todo o contrario. Ben certo é que coa educación podemos facer que o noso entorno, o noso mundo sexa un pouquiño mellor. A nosa aportación neste día vai ser unha adaptación do conto de Adela Turín e Nella Bosnia: ROSA CARAMELO reeditado por Kalandraka.


    A historia dunha pequena elefantiña que vive nunha manda de elefantes e elefantas que viven de maneira separada e fan cousas diferentes: os elefantes son grises, comen herba verde, dúachanse no ría..... as elefantas son rosas, non comen herba verde..... e están encerradas nun valado onde comen unha flores que non lles gustan nada.....
Non vos vou contar o final!

     Aquí vola deixo, narrada polas vosas compañeiras Carla, Irene, Lía e Uxía de 5º. Primeiro disfrutarémola na Biblio na Hora de lectura para os diferentes cursos durante esta semana.



Caderniños para traballar nos diferentes ciclos:
                                                          
                                                                                                      
                                                                                                                                                                       

23 nov. 2012

VAIA AMBIENTILLO...



Abrimos na hora do recreo, xa sabedes para facer o préstamo de materiais,
para ver e disfrutar sós ou en compañía.... por ahí andan os nosos recén 
estrenados axudantes dispostos sempre a botar unha man....

22 nov. 2012

USO RESPONSABLE DO MÓVIL E O PORTÁTIL

           Dous videos moi clariños que nos dan unha serie de consellos básicos acerca da utilización deste dosu dispositivos cada ves máis frecuentes nas nosas vidas e nas dos que nos rodean. Vede atentamente e tomade nota.  
TECNOLOXÍA SÍ, PERO CON SENTIDIÑO!!!


 

13 nov. 2012

VOLTAMOS COAS PILAS CARGADAS...

         Coma sempre A CITA das BIBLIOTECAS ESCOLARES GALEGAS con maiúsculas, un punto de encontro con compañeiros/as doutras Bibliotecas escolares,  sempre unha oportunidade de aprender dos que saben moito e dos que empezan, de renovarse, sobre todo de COMPARTIR ( palabra que coñecemos ben as persoas que traballamos nas BE). 

         Incrible máis de 1.000 mestres e mestras, profesores e profesoras de ensino público de primaria e secundaria reunidos no seu tempo libre para reflexionar e aprender, e máis nos tempos que corren, nos que parece que cada un anda ao seu. Algo misterioso teñen as asesoras Pilar Sampedro, Cristina Novoa e Leonor Mazaira. Grazas polo voso esforzo e traballo en darnos o mellor para a nosa formación e a oportunidade de entrar en contacto cos personas da categoría dos ponentes que traedes ano tras ano. Outra vez GRAZAS!!!.
.          

12 nov. 2012

OUTRO BLOGUE NA NOSA ESCOLA

           Dende o blogue da Meigatintureira a nosa noraboa por este recén esteado blogue da aula de 4º.
      Recomendámovolo deixovos aquí un enlace e outro permanente, na parte dereita deste blog poñémosvos un enlace.

      Os blogues serven para comunicar e este ben seguro que este será unha boa mostra, como dice o profe Luis, o seu creador aludindo ao título do mesmo e ao seu contido:
      " Esta é a expresión que máis se escoita na clase. Sempre hai alguén con algo que contar, preguntar ou comentar. E moitas veces non hai nin tempo para contestar. Ao mellor este sitio serve para iso: para falar das nosas cousas con tranquilidade e compartir o que nos pareza interesante, curioso, divertido..."
         BENVIDO A ESTE MUNDO DA BLOGOSFERA!!!!!!

8 nov. 2012

UN CONTO PARA INAUGURAR E PARA ESCOITAR


           Así comenzamos este curso celebrando o aniversario da Meigatintureira e o seu agasallo para todos os nenos/as do cole foi un conto que tamén fala dos aniversarios e das árbores, da súa memoria. Una presentación en power point acompañada dunha fermosa música ao piano de Marcial del Aladid, unhas ilustracións de Kiko da Silva e texto de Neira Cruz.. 
         Un conto que comenza así :

" Cando Tano naceu, seus pais plantaron no xardín da casa a semente dunha árbore, dun baobab? Ha medrar canda ti?, dixéronlle, e foi pasando o tempo. Cando Tano cumpriu cinco anos, ..."
             Logo, coma en todos os aniversarios, cantamos e comemos pastel de aniversario como no conto de Tano e Baobab. E como non cantamos en varios idiomas. ¿ queredes lembralo ?, pulsa na tarta:

ANIVERSARIO FELIZ, ANIVERSARIO FELIZ.....

         
           E que a MEIGATINTUREIRA se siga quedando con nós por moitos anos máis, oficialmente dende o curso 2007-08 que o colexio entrou no PLAMBE (PLAn de Mellora de Bibliotecas Escolares da Consellería de Educación). Xa pasaron 5 anos, quen o ía dicir! Gracias por todos estos anos cheos de lecturas e bos momentos!! e por suposto grazas a todo o profesorado  pola vosa colaboración e  a Comunidade Educativa en xeral que fixéchedes posible poder chegar ata este punto!!! polo voso apoio e animosidade!!!

7 nov. 2012

LER PARA VER: IV XORNADAS DE BIBLIOTECAS ESCOLARES DE GALICIA


           Os días 9 e 10 de novembro de 2012 terán lugar, no Palacio de Congresos en Santiago de Compostela, as IV XORNADAS DE BIBLIOTECAS ESCOLARES DE GALICIA, cita anual do colectivo de profesores e profesoras comprometidos coa biblioteca escolar e a lectura nos centros públicos galegos.
          O lema destas xornadas, LER PARA VER recolle a necesidade de educar para unha lectura comprensiva e crítica dos medios de comunicación, dos medios polos que se transmite información na sociedade actual, unha sociedade na que a información se transmite fundamentalmente a través das redes sociais, o móvil, video...